Категорії новин

Украінскія штодзённыя перамогі. 27.06.2022 Навіны Украінскай Жаночай Гвардыі

матэрыялы падрыхтавала: Mila Rosik

Абаронцы знішчылі ўжо 35 000 расейскіх захопнікаў — Генштаб.

✅ Вайскоўцы 79-й асобнай дэсантна-штурмавой брыгады збілі расейскі верталёт Ка-52 «Алігатар».

✅ У трох раёнах Херсонскай вобласці ўкраінская авіяцыя нанесла ўдары па канцэнтрацыі жывой сілы і ваеннай тэхнікі праціўніка — Камандаванне «Поўдзень».

✅ «Ваенная аперацыя на Змяіным востраве працягваецца»: Узброеныя Сілы нанеслі 10 удараў па акупантах і ваеннай тэхніцы на Змяіным, пашкодзілі зенітны комплекс «Панцыр-С1».

✅ Каля Мар’інкі, а таксама на Бахмуцкім і Данецкім напрамках украінскія абаронцы адбілі штурмы і спынілі прасоўванне праціўніка — Генштаб.

✅ Лідары НАТА на саміце ў Бруселі ўзгодняць рашэнне аб павелічэнні колькасці войскаў на ўсходнім флангу праз расейскую пагрозу, заявіў генеральны сакратар NATO Енс Столтэнберг.

✅ Украінскі спецназ здзяйсняе дыверсіі ў глыбіні расейскага тылу — The Times. Байцы падраздзялення сіл спецыяльных аперацый з пазыўнымі «Дваццаць другі» і «Красень» распавялі пра некаторыя дэталі аперацый.

✅ Вывад Узброеных сіл Украіны з Севераданецка пасля некалькіх тыдняў баёў з расейскімі войскамі быў «тактычным» крокам, каб пазбегнуць паўтарэння блакады «Азоўсталі» ў Марыупалі — старшыня вайсковай разведкі Кірыл Буданаў.

✅ У Расеі адбыўся дэфолт па суверэннай запазычанасці ў замежнай валюце ў сувязі з уведзенымі санкцыямі, што зрабіла немагчымым выплату замежным крэдыторам.

✅ На гэтым тыдні Злучаныя Штаты могуць абвясціць аб набыцці для Украіны ўдасканаленай сістэмы супрацьпаветранай абароны сярэдняй і вялікай дальнасці. Як паведамляе CNN, гэта можа быць нарвежская зенітна-ракетная сістэма NASAMS, здольная паражаць мэты на адлегласці больш за 160 км.

✅ Прэзідэнтка Малдовы Мая Санду прыбыла ў Кіеў з афіцыйным візітам — цягам дня Санду наведае Барадзянку, Бучу і Ірпень.

✅ Зяленскі заклікаў сусветных лідэраў, якія сабраліся на саміце G7, зрабіць усё магчымае, каб спыніць расейскае ўварванне ва Ўкраіну да канца года.

✅ Украіна па ўласнай ініцыятыве і за ўласныя сродкі набыла ў нямецкага канцэрна Dynamit Nobel Defense (DND) 2900 супрацьтанкавых ракетных комплексаў RGW 90 Matador.

Ukrainian Women’s Guard