Категорії новин

Украінскія штодзённыя перамогі. 21.11.2022 Навіны Украінскай Жаночай Варты

Матэрыялы падрыхтавала: Аксана Дземчына

Парламенцкая асамблея НАТА выступіла за стварэнне спецыяльнага Міжнароднага трыбунала ў справе агрэсіі расеі і прызнала яе тэрарыстычнай дзяржавай – кіраўнік пастаяннай дэлегацыі Украіны ў Парламенцкай асамблеі Альянсу Ягор Чарнеў.

• Люксембург перадаў Украіне пазадарожнікі HMMWV – міністр абароны краіны Франсуа Бауш.

• Урад Нарвегіі пагадзіўся выдзеліць Украіне фінансавую дапамогу ў памеры 2 мільярдаў нарвежскіх крон (195 мільёнаў долараў). Грошы пойдуць на закупку газу зімой.

• Камандаванню ВМС Украіны і марской пяхоце ўдалося арганізаваць уцёкі ўкраінскіх разведчыкаў з палону, а потым пераправіць іх на падкантрольную Украіне тэрыторыю – прадстаўнік Каардынацыйнага штаба па пытаннях абыходжання з ваеннапалоннымі Ігар Капыцін.

• У Малдове каля расейскай амбасады прайшла акцыя памяці ўкраінскіх дзяцей, якія загінулі ў выніку развязанай расеяй вайны.

• У Кіеве падрыхтавалі і накіравалі ў Херсонскую вобласць тэхніку, генератары, медыцынскае абсталяванне, прадукты і цёплыя рэчы. Кіеўская рада таксама разгледзіць пытанне аб выдзяленні Херсону 50 мільёнаў грыўняў фінансавай дапамогі – мэр Віталь Клічко.

• У Крамянчугу дэмантавалі помнік рускаму паэту Аляксандру Пушкіну – прэс-сакратар Крамянчуцкай меснай рады Юлія Перапялятнік.

• СБУ затрымала ў Кіеўскай вобласці экс-лідара тэрарыстычнай арганізацыі «ЛНР» з пазыўным «Сотий», які ў 2014 годзе ўдзельнічаў у баявых дзеяннях супраць украінскіх войскаў на ўсходзе Украіны і кантактаваў з расейскімі вайскоўцамі.

• Ва Украіне быў створаны першы батальён цюркскіх народаў пад назвай «Туран», які ўзначаліў грамадзянін Кыргызстана Алмаз Кудабек.

Ukrainian Women’s Guard

SUPPORT US