Узброеныя Сілы Ўкраіны ўжо знішчылі 34,7 тысячы акупантаў, 217 самалётаў і 184 верталёты.
✅ За содні на поўдні Узброеныя Сілы Ўкраіны знішчылі 46 расейцаў, два танкі Т-72 і буйнакаліберную 152-міліметровую гармату «Гіяцынт».
✅ Украінскія вайскоўцы прымусілі ворага адысці з абарончых пазіцый у Херсонскай вобласці, адбілі штурм на Славянскім і Севераданецкім напрамках, а таксама ў раёне Мар’інкі. Адначасова акупанты захапілі вёску Мікалаеўка на Бахмуцкім напрамку — Генштаб.
✅ Мікалаеўскі дэсантнік збіў з пераноснага зенітна-ракетнага комплексу расійскі штурмавік Су-25.
✅ На Бахмуцкім напрамку ўкраінскія вайскоўцы спынілі наступ ворага ў напрамку Уладзіміраўка – Пакроўскае, расейцы адышлі.
✅ Украіна атрымае ад Германіі грант у памеры 1 млрд еўра, паведамляе Міністэрства фінансаў. Грошы пойдуць у дзяржбюджэт на першачарговыя сацыяльныя і гуманітарныя выдаткі падчас ваеннага становішча.
✅ Канада дазволіла канфіскацыю расейскіх актываў і перадачу іх на аднаўленне Ўкраіны.
✅ Толькі за тры дні ўкраінцы сабралі 600 млн грн на чатыры беспілотнікі Bayraktar для Ўзброеных сіл. Першапачаткова збор сродкаў, арганізаваны Фондам Сяргея Прытулы і блогерам Ігарам Лачанковым, меў на мэце сабраць 500 млн. грн на тры Байрактары за тыдзень.
✅ Дзяржсакратар ЗША Блінкен лічыць, што патрабаванні Расеі аб праверцы кожнага судна, якое выходзіць з украінскіх партоў, «бессэнсоўныя». «За якім правам, паводле якой логікі Расея настойвае на праверцы суверэнных украінскіх судоў, якія адпраўляюцца з украінскіх партоў у іншыя краіны? Гэта бессэнсоўна», — заявіў ён.
Ukrainian Women’s Guard
donate to Ukrainian Women’s Guard PayPal mail: [email protected]
Subscribe to our channels and pages
https://www.facebook.com/UkrZhinochaVarta