Матэрыялы падрыхтавала: Mila
З пачатку поўнамаштабнага ўварвання ва Ўкраіну расейскае войска «дэмілітарызавалася» на 39 520 вайскоўцаў, якія былі ліквідаваныя.
У ноч на 24 ліпеня ўкраінскія вайскоўцы знішчылі батарэю расейскай ЗРК С-300, размешчаную на часова акупаванай частцы Херсонскай вобласці.
✅ На аэрадроме акупаванага Мелітопаля адбыліся выбухі, а ў Мелітопальскім раёне пашкоджаная чыгунка, па якой расейцы перавозілі вайскоўцаў і тэхніку — мэр горада Іван Фёдараў.
✅ Супрацоўнікі ваеннай контрвыведкі Службы бяспекі Ўкраіны з дапамогай ударнага беспілотніка знішчылі расейскі танк Т-72 і 15 акупантаў, якія збіраліся на ім паглядзець кінафільм.
✅ Узброеныя сілы знішчылі пад Лісічанскам атрад сахалінскага АМАПу — знішчана не менш за 12 расейцаў.
✅ Украінскія сілы, імаверна, рыхтуюцца да пачатку або ўжо перайшлі ў контрнаступ у Херсонскай вобласці — Інстытут вывучэння вайны (ІВВ). Зяленскі заявіў, што Узброеныя сілы Украіны крок за крокам прасоўваюцца ў Херсонскай вобласці.
✅ У Польшчы сабралі ўсю суму на «Байрактар» для Ўкраіны. Унеслі свой уклад больш за 200 тысяч чалавек. Да канца кампаніі па зборы сродкаў засталося 4 дні.
✅ Старшыня камітэту па ўзброеных сілах Палаты прадстаўнікоў Кангрэсу ЗША Адам Сміт заявіў, што Ўкраіна можа атрымаць агулам 25-30 зенітных ракет ад ЗША і іх саюзнікаў.
Паводле яго слоў, гэта будзе спалучэнне HIMARS і некалькіх сістэм MLRS з Вялікабрытаніі і іншых краін.
✅ Злучаныя Штаты сур’ёзна разглядаюць пытанне аб прызнанні Расеі дзяржавай-спонсарам тэрарызму, заявіла амбасадарка ЗША ва Ўкраіне Брыджыт Брынк.
✅ Брытанскі прэм’ер-міністр Джонсан хоча здзейсніць трэцюю паездку ва Ўкраіну падчас поўнамаштабнага расейскага ўварвання, каб пабачыцца з Зяленскім, перш чым пакінуць Даўнінг-стрыт.
Ukrainian Women’s Guard
donate to Ukrainian Women’s Guard PayPal mail: [email protected]
Subscribe to our channels and pages
https://www.facebook.com/UkrZhinochaVarta
UWG NEWS – Olena Biletska