Категорії новин

Навіны Украінскай жаночай гвардыі 23.08.2022 Украінскія штодзённыя перамогі.

Матэрыялы падрыхтавала: Mila

На некалькіх кірунках расейскія войскі вялі няўдалыя наступы, у прыватнасці на Бахмуцкім. Яны спрабавалі правесці штурм, але не мелі поспеху і адышлі.

✅ Украінскі нацыянальны сцяг назаўжды вернецца на ўсе часова акупаваныя тэрыторыі — Уладзімір Зяленскі падчас цырымоніі ўзняцця Дзяржаўнага сцяга Украіны ў Кіеве.

✅ Уладзімір Зяленскі заявіў, што Расея атрымае магутны адказ у выпадку павелічэння колькасці абстрэлаў 23-24 жніўня.

✅ «Адзінае, што пагражае мірным жыхарам Украіны, — гэта расейскія ракеты, зброя і марадзёрства расейскіх войскаў», — адрэагавала амбасадарка Велікабрытаніі ва Украіне на справаздачу праваабарончай арганізацыі Amnesty International, у якой гаворыцца, што ўзброеныя сілы ставяць пад пагрозу грамадзянскае насельніцтва.

✅ Канцлер Германіі Олаф Шольц заявіў аб планах пастаўкі Украіне дадатковага ўзбраення на больш за 500 мільёнаў еўра. У прыватнасці, гаворка ідзе пра тры сістэмы супрацьпаветранай абароны Iris-T, высокадакладныя боепрыпасы і сістэмы барацьбы з беспілотнікамі.

✅ Славакія перадасць Украіне 30 баявых машын пяхоты БМП-1, а ўзамен атрымае ад Германіі 15 танкаў Leopard 2A4.

✅ Прэзідэнт Польшчы Анджэй Дуда прыбыў у Кіеў. Ён заявіў аб неабходнасці вызвалення ўсёй тэрыторыі Украіны, уключаючы Крым, ад расейскай акупацыі.

✅ У сваёй прамове на саміце Крымскай платформы прэзідэнт Турцыі Эрдаган падкрэсліў, што спыненне акупацыі Крыма Расеяй з’яўляецца дэ-факта патрабаваннем міжнароднага права і важным элементам глабальнай бяспекі і стабільнасці. Прэзідэнт Еўрапейскай рады Шарль Мішэль заявіў, што марыць наведаць украінскі Крым пасля яго вызвалення ад акупантаў.

Прэм’ер-міністр Італіі Марыа Драгі адзначыў, што барацьба за Крым з’яўляецца часткай барацьбы за вызваленне.

✅ Амерыканскае выданне Politico мяркуе, што ЗША маглі таемна перакінуць ва Украіну армейскія аператыўна-тактычныя ракетныя комплексы ATACMS з дальнасцю да 300 кіламэтраў, а Кіеў мог накіраваць іх у акупаваны Крым. Аднак выданне прызнае, што гэта толькі здагадкі.

✅ Акупацыйныя ўлады і прапагандысты заявілі аб прамым трапленні ў будынак «адміністрацыі» лідара так званай «ДНР» Дзяніса Пушыліна, які знаходзіцца ў цэнтры Данецка.

✅ ААН стварыла камісію па расследаванні гібелі ўкраінскіх ваеннапалонных у калоніі акупаванай Аленаўцы.

Ukrainian Women’s Guard