Категорії новин

Навіны Украінскай Жаночай Гвардыі 16.08.2022 Украінскія штодзённыя перамогі

Матэрыялы падрыхтавала: Mila Rosik

У Джанкойскім раёне акупаванага расеяй Крыму ранкам 16 жніўня чуваць выбухі і відаць пажар. Міністэрства абароны расеі пацьвердзіла, што ў раёне пасёлку Майскае Джанкойскага раёну акупаванага Крыму на месцы захоўваньня боепрыпасаў адбыўся пажар. Чыгунка ў гэтым раёне таксама была пашкоджана. «Безумоўна, праціўнік не ўмее выкарыстоўваць ніякія меры пажарнай бяспекі. Але, вядома, нас усіх гэта радуе», — пракаментавалі ва Ўзброеных Сілах выбухі ў акупаваным Крыме.

⠀⠀✅ Над ваеннай авіябазай у пасёлку Гвардзейскае Сімферопальскага раёна Крыму слупы чорнага дыму. Журналіст Bellingcat Хрысто Грозеў піша, што на гэтай авіябазе ў Гвардзейскім знаходзіліся 12 самалётаў Су-24М і яшчэ 12 Су-25СМ. Аэрадром уваходзіць у склад ВМФ расеі.

⠀⠀✅ Узброеныя сілы Ўкраіны на паўднёвым фронце за содніі знішчылі 23 акупантаў, гаўбічную гармату, 7 адзінак бронетэхнікі і аўтатранспарту і пункт забесьпячэньня расейскіх боепрыпасаў у Хэрсонскай вобласьці — Аператыўнае камандаванне «Поўдзень».

⠀⠀✅ Ва Ўкраіну з Латвіі прыбылі яшчэ шэсць гаўбіц М109. Украінскія вайскоўцы ўжо выкарыстоўваюць іх на полі бою, паведаміў міністр абароны.

⠀⠀✅ За мінулыя содні па Крымскім мосце ў абодва бакі праехала каля 38,3 тысячы аўтамабіляў — гэта новы рэкорд трафіку за дзень. Па словах прадстаўніцы прэзідэнта Ўкраіны ў Крыме Тамілы Ташэвай, пасля ранішніх выбухаў «людзі хаваюцца ў падвалах, стаяць вялізныя чэргі на выезд з Крыму».

⠀⠀✅ Фінляндыя скароціць выдачу віз турыстам з Расеі ў 10 разоў — пастанова запрацуе з верасня. У цяперашні час у краіну ў дзень паступае ў сярэднім тысяча візавых заявак ад грамадзян расейскай федэрацыі. Для тых, хто звяртаецца па турыстычную візу, у сярэднім будзе адкрыта 100 заявак у дзень.

⠀⠀✅ У эстонскім горадзе Нарве пачаўся дэмантаж савецкага танка-помніка — такое рашэнне прыняў урад, нягледзячы на супраціў мясцовых жыхароў прарасейскага горада.

Ukrainian Women’s Guard