Категорії новин

Дайджэст 169 10 жніўня 2022 г. Ваенныя злачынствы расеі ва Ўкраіне Факты і доказы

У ноч з 9 на 10 жніўня расейскія акупанты абстралялі з РСЗА горад Марганец і яго прыгарады Дняпроўскага раёна. Загінулі 11 мірных жыхароў, яшчэ двое памерлі ад ран, яшчэ 11 атрымалі раненні. Пашкоджаныя 20 дамоў, школа, установа культуры.

Крыніца: кіраўнік Дняпроўскай абласной вайсковай адміністрацыі.

Украінскія праваахоўнікі выявілі яшчэ аднаго расейскага ваеннага злачынца. расейскі старшы лейтэнант Антон Струеў, пазыўны «Беркут», катаваў мірных жыхароў і аддаваў загады іх забіваць. Гэтыя ваенныя злачынствы былі здзейсненыя ў Браварскім раёне Кіеўскай вобласці ў лютым-сакавіку 2022 года падчас наступу расейскіх войскаў у гэтым раёне. Акупанты афіцыйна праходзяць як падазраваныя і іх будуць судзіць.

Крыніца: Служба бяспекі Ўкраіны.

У сяле Малая Рогань пад Харкавам украінскія праваахоўнікі знайшлі яшчэ адно цела ахвяры расейскай агрэсіі. Мужчына быў закатаваны і забіты ў лютым ці сакавіку, падчас расейскай акупацыі сяла.

Крыніца: Харкаўскае абласное ўпраўленне паліцыі.

10 жніўня расейскія агрэсары абстралялі з РСЗА цэнтр горада Бахмут Данецкай вобласці. Загінулі як мінімум сем мірных жыхароў, яшчэ шэсць атрымалі раненні.

Крыніца: Данецкая абласная пракуратура.

Раніцай 10 жніўня расейскія акупанты абстралялі пасёлак Кушухум Запарожскай вобласці. Загінула мірная жанчына.

Крыніца: Запарожская абласная вайсковая адміністрацыя.

#BuchaMassacre 15 неапазнаных целаў людзей, 14 мужчын і жанчын, забітых расейскімі акупантамі ў Бучы і суседніх вёсках. Гэтыя целы знойдзены ў двух масавых пахаваннях. Большасць з гэтых людзей перад смерцю былі закатаваныя.

Крыніцы: мясцовыя ўлады, Суспільне медыя, REUTERS/Валянцін Агірэнка.

9 жніўня ў падкантрольных ураду раёнах Данецкай вобласці ў выніку расейскіх абстрэлаў загінулі двое мірных жыхароў, яшчэ шэсць атрымалі раненні. Ваенныя дзеянні працягваюцца.

Крыніцы: кіраўнік Данецкай абласной вайсковай адміністрацыі, Данецкае абласное ўпраўленне паліцыі.